-- ADVERTISEMENT --
ROXAS CITY – Nagparekord sa Roxas City Police Station ang isa ka 21-anyos nga lalaki matapos nga ginaalegar nga gin-motornap ang ginhulam sini nga motorsiklo sa Barangay Adlawan, Roxas City.
Ginkilala ang tagreklamo nga si Jessmar Libuna sang nasambit nga lugar.
Sandig sa ginpabalhag sang tagreklamo nga naghulam ini sang motorsiklo kay Geovanie Diaz nga gamiton kuntani sini para magdul-ong sang kwarta sa iya nga himata sa Iloilo apang hinali na lamang nga ginkuha sang suspek nga si Reymart Cereneo 24-anyos ang motorsiklo nga wala sang permiso halin sa iya.
Bangud diri, ginpakamaayo na lamang sang tagreklamo nga ipabalhag sa pulisya ang insidente matapos nga ginaalegar sini nga tubtob subong wala pa nabalik sa iya ang amo nga motorsiklo.
