ROXAS CITY – Nagparekord sa Roxas City Police Station ang 21 anyos nga babaye matapos natuntuhan sa online seller makaligad nga nag-order sang 100 boxes nga face masks.
Ginkilala ang tagreklamo nga si Mariel Baniel sang Barangay Lawa-an, Roxas City.
Ba-se sa report nga nag-order si Baniel sang 100 boxes nga face masks sa online seller nga si Ma. Louisa Ramos.
Ginpangayuan siya ni Ramos sang P10,000 bilang kabayaran sa iya gin-order nga face mask.
Nahibaluan nga sang Pebrero 7, nagpadala sang P10,000 si Baniel sa paglaum nga ma-deliver na ang gin-order nga face mask.
Apang matapos nga mabaton ni Ramos ang nasambit nga kantidad, indi na ini makontak ni Baniel.
Bangud diri, ginpakamaayo na lamang sang tagreklamo nga ipabalhag sa pulisya ang insidente.
