ROXAS CITY – Arestado ang 21- anyos nga lalaki matapos nga ginserbehan sang mandiamento de aresto sang mga katapo sang Mambusao MPS sa Brgy. Salgan Proper banwa sang Maayon.
Ginkilala ang arestado kay Reymark Opina Naling alyas “Mack-Mack”, residente sang Brgy. Burias banwa sang Mambusao.
Suno sa report nga nakuha sang Bombo Radyo sa Mambusao MPS, nagapangatubang sa kaso nga paglapas sa R.A. 7610 ukon “Special Protection of Children Against Abuse, Exploitation and Discrimination Act” kun sa diin ang warrant ang gin-isyu kag ginpirmahan ni Hon. Rommel Lacson Leonor, Presiding Judge, Regional Trial Court, 6th Judicial Region, Branch 21, Mambusao, Capiz napetsahan Mayo 5, 2022.
Ginrekomendar sang korte ang pyansa nga P200,000 para sa temporaryo nga kahilwayan sang arestado.
Sa karon, nakahunong sa karsel sang Mambusao MPS si Naling kag igaturn-over sa court of origin.
