Arestado ang isa ka lalaki sa buy-bust operation sa Barangay Poblacion, Tapaz Capiz.
Ginkilala ang suspetsado sakay alias Toto, 21-anyos, kag residente sang nasambit nga lugar.
Sa interview sang Bombo Radyo kay Police Major Gregg Anthony V. Salbang, Officer in Charge sang Tapaz PNP, iya ginpahayag nga
narekober sa suspetsado ang isa ka homemade 12-gauge shotgun sa isa ka undercover police operative sa balor nga P2,100 bilang buy-bust money.
Suno kay PMAJ Salbang dugang man sa narekober ang tatlo ka heat-sealed plastic sachets nga may sulod sang ginapatihan shabu nga may kabugaton nga 10 gramos kag may standard drug price nga P68,000, homemade shotgun nga may tatlo ka wala pa nagamit nga shotgun shells, buy-bust money, isa ka sling bag kag isa ka blue coin purse.
Pahayag pa niya madinalag-on nga nadakpan ang suspetsado matapos niya ginbaligya niya ang homemade shotgun sa undercover police operative, kag sa pag inspection sa iya narekober pa ang ginapatihan nga iligal nga droga kag iban nga ebidensya.
