Isa ka 21-anyos nga lalaki gikan sa Nova Scotia, Canada, ang natuman na ang iya madugay nga handum nga makasulod sa Guinness World Records pagkatapos nga ma-solve sang 211 ka Rubik’s Cubes samtang nagalumpat sa pogo stick.
Ang record holder amo si Saul Hafting gikan sa Annapolis Royal, nga una nga nagtinguha sang feat sang 2021 sa edad nga 16.
Sang 2022, opisyal nga ginkilala sang Guinness World Records ang iya rekord sa pag-solve sang 211 ka Rubik’s Cubes samtang yara sa pogo stick isa ka numero nga labaw gid sa nauna nga rekord sang 65 ka cubes.
Bilang resulta, nakabaton siya sang isa ka certificate kag nalista sa website sang Guinness World Records, bisan pa nga wala siya gilayon nalakip sa tuigan nga libro sang organisasyon.
Subong nga tuig, nakabaton si Hafting sang abiso gikan sa Guinness World Records nga nalakip sia sa Guinness World Records 2027 nga edisyon, nga mabakal na subong sa mga balaligyaan.
Suno kay Hafting, tuman ang iya kalipay kag excited nga makita ang iya ngalan sa libro.
