ROXAS CITY – Wala na sang kabuhi sang nasapwan ang 21-anyos nga lalaki, matapos ginapahayag nag-utas sang kaugalingon nga kabuhi sa Barangay Lawaan, Roxas City.
Ginkilala ang biktima nga si Michael Fantilanan, stainless fabricator kag residente sang Barangay Ticud, Lapaz Iloilo apang temporaryo nga nagapuyo sa nasambit nga Barangay.
Sa impormasyon nga nakuha sang Bombo Radyo nagikan sa Roxas City PNP, ginapahayag nga takna 9:15 sang aga nakabaton sila sang report nagikan kay Arjay Alolor 37-anyos, branch manager sang amu nga edipisyo kung sa diin ginapahayag nga may nasapwan nga bangkay kag duguon sa amu nga edipisyo.
Suno diri nga naka-eksperyensya sang depression ang biktima bangud nagabusong ang nobya sini.
Mahibaluan nga wala sang CCTV ang amu nga lugar.
Sa karun, padayon pa ang imbestigasyon sang mga kapulisan angut sa insidente.
