21 anyos nga lalaki pilason matapos malukpan sang ‘buga’

DUMARAO, CAPIZ – Pilason ang 21 anyos nga lalaki matapos aksidente nga nalukpan sang ‘buga’ sa Barangay Traciano, Dumarao, Capiz.

Ginkilala ang biktima nga si Jesmark Labaro, 21 anyos, residente sang nasambit man nga lugar.

Base sa inisyal nga impormasyon gikan sa Dumarao Municipal Police Station, indi kabalo ang biktima maggamit sang buga rason nga aksidente ini nga nalukpan sa iya nga baba.

Ginapahayag nga ang nasambit nga biktima ang may problema sa paminsaron.

Una nga gindala sa isa ka balay-bululngan sa banwa sang Dumarao apang gin-refer ini sa Roxas Memorial Provincial Hospital para sa nagakaigo nga pagbulong.