ROXAS CITY – Pilason ang 21-anyos nga persona matapos nga ginaalegar ginlabo sa Barangay Ongol Ilawod, Dumarao, Capiz.
Ginkilala ang biktima nga si Tayson Miranda 21-anyos sang nasambit nga lugar.
Base sa inisyal nga imbestigasyon sang Dumarao PNP nga samtang nagainom ang biktima kag suspek nga si Wilfredo Cordero 40-anyos sang nasambit nga lugar ginapahayag nga nagpauli ini sa ila balay kag nagkuha sang binangon kag ginapahayag nga gin-usisa sini ang biktima kun ngaman wala pa ini nakapauli sa ila balay.
Bangud diri, nag-angkon sang indi pag-intiendihanay sa tunga sang duha ka nasambit nga persona sa diin ginaalegar nga ginsaway pa sila sang iloy sang biktima.
Apang, wala ang mga ini nagpati rason nga hinali na lamang nga ginhampak ni Miranda si Cordero gamit ang kawayan rason nga ginlabo ini sang suspek.
Nag-angkon naman sang pilas sa nawala nga paa ang biktima nga madasig naman gindala sa ospital.
Samtang, boluntaryo naman nga nagsungka ang suspek sa mga kapulisan matapos ang insidente.
