Nag-abot na sa Pilipinas ang 21,000 metric tons sang liquefied petroleum gas (LPG) nga ginbakal sang gobyerno sa idalom sang Emergency Energy Security Program sang Department of Energy (DOE).
Ang nasambit nga shipment ang nagikan sa Texas, USA kag nagdungka sa Calaca, Batangas.
Ang kargamento ginabug-usan sang 50% nga refrigerated propane kag 50% nga refrigerated butane, nga tuyo nga mapasanyog ang fuel reserves sang pungsod agud malikawan ang supply shortages sa tion sang energy emergency.
Bangud sa pag-abot sang kargamento, naglab-ot na sa halos 42 ka adlaw ang national LPG inventory sang Pilipinas, mas mataas sa minimum nga pito ka adlaw nga requirement.
Ginhatagan pagtamod sang DOE nga ang tinutuyo sang programa amo ang pagsiguro sang nagakaigo nga suplay kag mapabilin ang kalig-on sang presyo sang enerhiya sa pungsod.
