-- ADVERTISEMENT --
Natalana nga mag-abot sa Pilipinas ang 21,000 metriko tonelada sang liquefied petroleum gas (LPG) nga ginbakal halin sa United States sa bulan sang Mayo bilang kabahin sang tikang sang gobyerno agud masiguro ang mabakod nga suplay sang gatong.
Sa pahayag sang Department of Energy, ginalauman nga magaabot ang shipment halin Mayo 20 tubtob 31 kag iga-dul ong ini sa Batangas.
Ini nga suplay ginapatihan nga magapabakod sang imbentaryo sang LPG sa pungsod kag magahatag dugang nga supply buffer para sa mga panimalay kag negosyo, ilabi na sa tunga sang krisis sa middle east nga ginhalinan sang crude oil nga ginaproseso para sa LPG kag iban pa nga fuel.
