21 ka crew member ang nasalbar matapos magbunggoanay ang duha ka merchant vessel sa baybayon sang Kandla sa Gujarat, India samtang tatlo naman ang nagpabilin sa barko agud magbulig sa pagpadalagan sini, suno sa Indian Coast Guard.
24 tanan ka crew member ang sakay sang merchant vessel nga MV KMAX EMPEROR kag 21 ang safe nga na-evacuate matapos ini mabunggo sa isa pa ka merchant vessel nga MV TRUE MARINER sa Gujarat.
Ang nabilin nga tatlo ka crew ang yara sa barko agud suportahan ang vessel operations.
Gilayon nga ginlunsyar sang Indian Coast Guard ang isa ka madasig nga rescue operation agud ma-evacuate ang mga crew member sang MV KMAX EMPEROR pagkatapos sang pagbunggoanay.
Samtang, gin-activate sang Indian Coast Guard ang komprehensibo nga mga tikang para sa pollution response bangud sang pagbunggoanay sang duha ka barko.
Nagpakig-angot man ang Coast Guard sa Directorate General of Shipping, mga ahensya sang sentral nga gobyerno, kag sa administrasyon sang estado bilang kabahin sang pagresponde sa insidente.
Suno sa Coast Guard, padayon ini nga alerto kag determinado sa pagsiguro sang seguridad sa kadagatan kag sa pagprotekta sang coastal ecosystem sang Gujarat.
