BARRA, ROXAS CITY – Nagapabilin sa gihapon sa evacuation center ang 22 ka mga pamilya ukon masobra 80 ka mga indibidwal sa Barangay Barra, Roxas City.
Sa interview sang Bombo Radyo kay Punong Barangay Ernie D. Lorenzo, ginpahayag sini nga mas ginpili sang pila ka mga residente nga magbakwit na sa ila puluy-an bangud kadam-an sa ila mga puluy-an ginasulod na sang tubig-baha.
Suno kay Lorenzo, pag-abot sa adlaw ginabalikan sang mga evacuees ang ila puluy-an agud nga itsekyar apang pag-abot sa gab-i sa evacuation center na sila nagakatulog.
Mahibaluan nga wala sang problema pag-abot sa kinahanglanon sang mga pumuluyo bangud suno sa Punong Barangay may yara sang pondo ang ila barangay para sa kasubong sini nga kalamidad.
Panugyan sini sa iya nasakupan nga indi mangin kampante sa tanan nga oras kag mangin aligmat kag sundon ang ila mga panugyan nga mga opisyales agud malikawan ang mga indi maayo nga insidente.
