Naglab-ot sa 215 ang kabug-usan nga numero sang mga nagboto nga kongresista para sa impeachment ni Vice President Sara Duterte.
Nagikan ini sa numero sang mga mamalidha nga 318.
Sa nasambit nga numero, 255 ang mga mamalidha gikan sa mga distrito kag 63 ka mamalidha gikan sa mga partylist.
Nagakahulugan nga nalapawan sang Kamara ang target nila nga numero nga 102 lamang.
Mahibaluan nga sa pagduso sang impeachment sa Kamara, kinahanglan lamang sang one-third sang tanan nga House members agud makaabante ang reklamo.
Bangud sini, nagpili na ang lower House sang ila nga prosecutors.
Yari ang mga napilian nga mga prosecutors:
Rep. Gerville Luistro
Rep. Romeo Acop
Rep. Rodge Gutierrez
Rep. Joel Chua
Rep. Raul Angelo Bongalon
Rep. Loreto Acharon
Rep. Marcelino Libanan
Rep. Arnan Panaligan
Rep. Isabel Maria Zamora
Rep. Lawrence Defensor
Rep. Jonathan Keith Flores
Ginalauaman nga igadadala na ang kopya sang verified complaint sa Senado.
Sa oras nga mabaton nila ini, maga-convene ang mga senador bilang Impeachment Court nga maga-trial sa kaso.
Samtang, wala pa nagpaguwa sang pahayag ang talatapan ni VP Sara Duterte tubtob sa mga oras nga ini.
