ROXAS CITY – Pilason nga ginpadangat sa Bailan District Hospital ang isa ka lalaki matapos nga mabungguan ang gina-sakyan nga motorsiklo sa Brgy. Malag-it banwa sang Pontevedra.
Ginkilala ang biktima kay Jay Villanueva, 22-anyos kag residente sang Brgy. Tabuc sang amo nga banwa.
Sandig sa imbestigasyon sang Pontevedra MPS, ginaguyod sang top-down nga motorsiklo ang motorsiklo nga ginasakyan ni Villanueva kag ginasubay ang dalanon, apang sang matabok na ini hinali nga nabungguan sang isa pa ka motorsiklo nga ginamaneho ni Rufino Berunio, 25-anyos kag residente sang Barangay Agloway banwa sang Panitan.
Bangud sa natabo nag-angkon si Villanueva sang pilas sa magkatuhay nga parte sang lawas samtang menor nga kapilasan naman kay Berunio.
Sa karon, yara na sa kustodiya sang kapulisan si Berunio para sa nagakaigo nga disposisyon.
