-- ADVERTISEMENT --
ROXAS CITY – Nagpabalhag sa Roxas City Police Station ang isa ka 22-anyos nga teller matapos nga ginaalegar na-scam sa Barangay Milibili, Roxas City.
Ginkilala ang tagreklamo nga si Reyna Jane Flores sang nasambit nga lugar.
Sandig sa ginpabalhag sang tagreklamo nga nagpadala ini sang P4,000 nga downpayment sa online seller nga si Marriene Gicole sang Barangay Camburanan, Tapaz, Capiz.
Nahibaluan nga nagpasalig pa sa iya ang amo nga online seller apang tubtob subong wala sa gihapon nahatag sa iya ang gin-order nga cellphone.
Magluwas diri, gin-block pa ini sang online seller rason nga indi niya na ini ma-contact subong.
-- ADVERTISEMENT --
Bangud diri, ginpakamaayo na lamang sang tagreklamo nga ipabalhag sa pulisya ang insidente.
