22 ka mga armas luthang, ginsurender sa kapulisan sang Dao, Capiz

Naglab-ot na sa 22 ka mga armas luthang ang ginsungka ukon gin-surrender sa kapulisan sa banwa sang Dao, Capiz.

Sa interview sang Bombo Radyo kay Police Major Rey Dordas, Officer-in-Charge sang Dao Municipal Police Station, iya ginpahayag nga nagpadulong sila sa 20 ka barangay sa banwa para magpangayo sang kooperasyon sa mga residente nga magsungka sang ila mga armas luthang.

Suno kay Dordas, padayon ang ila koordinasyon sa mga barangay officials agud mas mapasangkad pa ang kampanya batok sa loosse firearms nga wala sang nagakaigo nga lisensya.

Ginpahayag sini, nga tinutuyo sang kapulisan amo ang malikawan ang mga insidente ukon krimen nga mahimo matabo bangod sa paggamit sang mga indi lisensyado nga armas luthang.