Kapin sa 22 ka tawo ang ginreport nga napatay kag 24 ka iban pa ang napilasan matapos nga nagbunggo ang isa ka bus sa isa ka cargo truck, sa isa ka highway sa Makueni, Kenya.
Base sa imbestigasyon sang local police, halin sa lubong ang mga pasahero sang bus sang natabo ang aksidente.
Gilayon man nga gindala sa ospital ang mga biktima kag padayon nga ginabulong, apang ginpahayag ni Makueni County Commissioner Abdullahi Khalif nga ang kadamuon sang mga napatay mahimo gihapon nga magtaas.
Indi pa maathag ang gintunaan sang aksidente apisar nga suno sa kapulisan posible nga nakaapekto ang speeding kag malain nga kondisyon sang dalanon sa insidente.
Ginhatagan pagtamod sang mga otoridad nga ang amo nga mga aksidente masami nagakatabo sa sini nga lugar, bangud ginakabig ini nga “accident black spot” sa highway.
