Ginpakigbahin ni Capiz 1st District Rep. Ivan Howard Guintu ang nagkalain-lain nga mga infrastructure projects nga ginpatuman sa Roxas City kag sa anum ka mga banwa sa first district.
Ang mga proyekto ang ginalakipan sang ginkaayo nga 22 ka mga multipurpose buildings, walo ka mga road-concreting projects, kag pag-rehabilitate sang drainage system.
Suno kay Rep. Guintu, ang mga proyekto yara na sa nagkalain-lain nga stage sang procurement, lakip na ang “for bidding, bid-out and awarded,” humalin sang Hunyo tubtob Agosto 2026.
Sa Roxas City, ang mga proyekto ginalakipan sang pagkaayo sang multipurpose buildings sa apat ka mga barangay, isa ka barangay road kag pag-rehabilitate sang drainage system malapit sa Villareal Stadium sa Barangay Tiza.
Sa Maayon, ang mga proyekto ginalakipan sang multipurpose buildings sa lima ka mga barangay kag road construction sa duha ka mga barangay.
Sa Panay, may multipurpose buildings nga gina-construct sa duha ka mga barangay, kag may ginapaabot man nga mga road projects.
Sa Panitan, may gina-construct nga multipurpose buildings sa duha ka mga barangay.
Sa Pilar, may ginakaayo nga sa lima ka mga barangay, kag may yara sang road project sa isa ka barangay.
Sa Pontevedra, ang mga proyekto ginalakipan sang multipurpose buildings sa tatlo ka mga barangay kag pag-construct sang dalan sa duha ka mga barangay.
Sa President Roxas, ginakaayo na ang multipurpose buildings sa duha ka mga barangay.
Pahayag ni Rep. Guintu, nagapadayon na ang infrastructure projects sa Roxas City kag sa anum ka mga banwa sa distrito.
