Nakabalhag ang Philippine Institute of Volcanology and Seismology (PHIVOLCS) sang 22 volcanic quakes sa bulkan Kanlaon sa nakaligad nga 24 oras.
Ini ang halos duwa ka semana matapos ang paglupok sang aktibo nga bulkan nga nagresulta sa pagka-displace sang linibo nga mga residente sa Negros Island.
Suno sa ahensiya, medyo nabuhinan sang damlag lamang ang mga pagtay-og sa bulkan sa 24 oras nga naobserbahan sadtong Miyerkules kag 23 sadtong adlaw sang Huwebes.
Nahibaluan nga ang ginabuga nga asupre sang bulkan ang nagnubo sa 4,208 ka tonelada sadtong Biyernes gikan sa 6,438 tonelada nga nabalhag sadtong Huwebes. Nagapabilin man ang paghubag sang bulkan.
Sa karon, yara sa kabug-usan nga 30 ka syudad kag banwa ang apektado sang ashfall gikan sa pagsigabong sang bulkan.
Bilang sabat, ginrekomendar na sang PHIVOLCS ang pagbakwit sa mga residente gikan sa 6-km radius halin sa summit sang bulkan. Ginadumilian man ang pagpalupad sang mga salakyan nga pangkahawaan malapit sa baba sang bulkan.
Sa datos sang Biyernes, gin-report sang Office of the Civil Defense (OCD) nga yara sa masobra 4,600 pamilya ang nagapabilin sa mga evacuation center samtang yara sa masobra 1,000 naman ka pamilya ang nagbakwit sa iban nga mga lugar.
Ang isa sa pinakatuman nga naapektuhan nga munisipalidad amu ang lokal nga gobyerno sang La Castellana kun sa diin ginakahangaw-an ang pagkaubos sang ila nga resources sa plano nga pagpalawig sa permanent danger zone.
