23-anyos nga driver sang motorsiklo pilason matapos nga nadulaan sang kontrol sa pagmaneho

ROXAS CITY – Pilason ang isa ka 23-anyos nga driver matapos nga ginaalegar nadulaan sang kontrol sa pagmaneho sang motorsiklo sa Barangay Lawaan, Roxas City.

Ginkilala ang nasambit nga persona kay Kenneth Angelada 23-anyos sang Barangay Cadagmayan, Sta. Barbara, Iloilo apang temporaryo nga nagapuyo sa Alvares Subdivision sining siyudad.

Base sa inisyal nga imbestigasyon sang Roxas City Police Station nga samtang ginasubay sang biktima ang nasambit nga dalanon hinali na lamang ini nadulaan sang kontrol sa pagmaneho rason nga natumba ini sa motorsiklo.

Bangud diri, nag-angkon sang pilas sa magkatuhay nga lawas ang biktima nga gilayon naman gindala sa ospital agud dapatan sang nagakaigo nga pagbulong.