PILAR, CAPIZ – Nakahunong na karon sa karsel sang Pilar Municipal Police Station ang isa ka 23-anyos nga lalaki matapos ginserbihan sang warrant of arrest sang gintingub nga puwersa sang Pilar PNP kag Provincial Drug Enforcement Unit (PDEU) s sa Barangay San Ramon, Pilar, Capiz.
Ginkilala ang suspek kay Roger Barrio, 23 anyos sang nasambit nga lugar.
Kaso nga Qualified Theft ang ginapangatubang sang nasambit nga akusado.
Ang nasambit nga warrant of arrest gin-isyu kag ginpirmahan ni Hon. Enrique Trespeces Presiding Judge sang Branch 10 Regional Trial Court 6th Judicial Region Municipal Trial Court sa siyudad sang Iloilo nga napetsahan sadtong Mayo 6, 2019 sa diin ginarekomendar sang korte ang P12,000 nga piyansa para sa temporaryo nga kahilwayan sang nasambit nga akusado.
