Nagapangayo sang bulig ang 23 ka Pinoy Seafarers nga sakay sang tanker nga MT Sounion, matapos ini atakehon sang rebelde nga Houthis.
Suno sa report, ginbomba sila sang missile samtang yara sa kadagatan sang Yemen ala-1:00 PM (PH Time), Agosto 21, 2024.
Yara sa 29 ang kabug-usan nga tripulante sang barko, kun sa diin 23 sa mga ini ang mga Pilipino nga nagikan sa nagkalain-lain nga bahin sang pungsod: Duha (2) ang gikan sa Iloilo City; Isa (1) sa Cebu City; Isa (1) sa Talisay City, Cebu; Isa (1) sa Calatrava, Negros Occidental; Duha (2) sa Davao City; Isa (1) sa Kananga, Leyte; Isa (1) sa Parañaque City; Isa (1) sa Hilongos, Leyte; Duha (2) sa Manapla, Negros Occidental; Isa (1) sa Lucban, Quezon; Isa (1) sa San Juan, Batangas; Isa (1) sa San Carlos City, Pangasinan; Isa (1) sa Muntinlupa City; Isa (1) sa Malaybalay City, Bukidnon; Isa (1) sa Jones, Isabela; Isa (1) sa Patnongon, Antique; Isa (1) sa Bugasong, Antique; Isa (1) sa Ubay, Bohol; kag Isa (1) sa Samar.
Sa inisyal nga imbestigasyon, naigo sang duha ka missile nga ginapatihan nagikan sa Houthi rebels samtang ini ang nagapanakayon sa Red Sea padulong sa Africa.
Bangud sa pagsigabong, naapektuhan ang engine sang barko nga ginapanag-iyahan sang Greece ukon Delta Tankers company.
Ang pagsigabong man ang rason sang pagkasunog sang barko.
Ini na ang pangatlo nga missile attack sang Houthis sa nasambit nga kompaniya sang barko.
