MANILA, Philippines – Naglab-ot sa 230 ka mga pampubliko nga school personnel ang nakabaton sang scholarship sa idalum sang Learning Initiatives for Nurturing Guidance Associates and Counselors Program “LINGAP” agud makabulig sa pagsabat sang kakulang sang mga guidance counselors sa pungsod.
Ang programa isa ka tingub nga pagtinguha sang Department of Education “DepEd” kag Commission on Higher Education “CHED” para sa pagsupporta sa graduate education kag paghanas sang mga personnel sa guidance, counseling, kag psychology.
Sa pagsugod sang academic year 2026-2027 nag-alokar sang P182.055 million ang programa sa 870 scholarship slots sa idalom sang General Appropriations Act, kun sa diin may yara sang 327 ka nominees gin-endorso ang 230 ka mga iskolar sa CHED.
Magabaton ang tagsa ka scholar sang financial package lakip na ang tuition kag iban pa nga balayran sa eskwelahan, nga naglab-ot sa P30,000 nga bulanan bilang living allowance, kag P150,000 nga research allowance.
Ginalauman nga pagkatapos sang pag gradwar, gina enganyo man nga magkuha sila sang licensure examination kag magtuman sang mga obligasyon sa propesyonal nga serbisyo sa mga pampubliko nga eskwelahan.
Sa karon ang programa ginatan-aw nga maga resulta sang positobo nga impact kun sa diin base kay Education Secretary Sonny Angara maka-engganyo ini sa mas madamo nga mga Pilipino nga magpadayon sang career sa counseling.
