ROXAS CITY – Nagpa-blotter sa pulisya ang 24-anyos nga lalaki matapos nga ginaalegar ginsumbag sang isa ka lalaki samtang nagalagaw ini sa Roxas City Public Plaza.
Ginkilala ang tagreklamo kay Darwin Altoveros sang isa ka barangay sa banwa sang Panitan.
Mahibaluan nga samtang nagapangita ini sang palahuwayan sa plaza kaupod ang iya pakaisa sang hinali na lamang nag-abot ang duha ka lalaki kag hinali na lamang nga ginsumbag sa baba ang tagreklamo.
Bangud diri, madasig naman nga nagresponde ang mga pulis sa lugar.
Samtang, nadakpan naman ang isa ka suspek nga si Denie Villaruz sang Barangay Punta Tabuc, sining siyudad.
Sa karon, nagapabilin sa kustodiya sang mga kapulisan ang suspek.
Samtang, ginapahayag nga yara sa idalom sang impluwensya sang makahulubog nga ilimnon ang mga suspek.
