-- ADVERTISEMENT --
ROXAS CITY – Nagreklamo sa Roxas City Police Station ang 24-anyos nga babayi matapos nga ginaalegar natuntuhan sa isa ka online selling.
Sandig sa ginpabalhag sa Roxas City Police Station ni Mary Antonette Almalbis, residente sang Barangay Culas sining siyudad nga nag-order ini sang pito ka pares sang sapatos sa isa ka online seller nga may yara sang pangalan nga “Mura lang Tinda.”
Nagpadala naman ini sang P4,200 nga bayad apang tubtob subong wala pa nakaabot ang iya nga gin-order.
Sa pagpangusisa sini, natukiban ni Almalbis nga madamo na sang gintunto ang nasambit nga online-seller.
Bangud sini, ginpakamaayo na lamang sang tagareklamo nga ipabalhag sa Roxas City Police Station ang nasambit nga insidente.
-- ADVERTISEMENT --
