24-anyos nga babaye nagpabalhag sang reklamo matapos nga ginasakit sang utod

ROXAS CITY – Nagpabalhag sang reklamo ang isa ka 24-anyos nga babaye matapos nga ginaalegar masami ini ginasakit sang utod sa Barangay Milibili, Roxas City.

Ginkilala ang tagreklamo nga si Leonellie Trazo sang nasambit nga lugar.

Ginaalegar sang tagreklamo nga masami na lamang ini ginapakahuy-an kag ginakastigo sang utod nga si John Marwell Trazo 20-anyos sang amo man nga lugar.

Bangud diri, ginpakamaayo na lamang sang tagreklamo nga ipabalhag sa pulisya ang nasambit nga insidente.