-- ADVERTISEMENT --
MAMBUSAO, CAPIZ – Padayon sa karon nga ginabulong sa Mambusao District Hospital ang isa ka 24 anyos nga babayi matapos aksidente nga nagbunggo ang iya ginamaneho nga salakyan sa isa ka puno sang lubi sa Barangay Mianay, Sigma, Capiz.
Ginkilala ang biktima kay Gleme Esmejarda, 24 anyos kag residente sang Barangay Cogon sa amo man nga banwa.
Base sa report nga samtang ginasubay sang biktima ang dalanon padulong sa syudad sang Roxas, aksidente ini nga nadulaan sang kontrol sa pagmaneho sa liku-on nga parte sang dalanon.
Bangud diri, aksidente nga nagbunggo ang ginamaneho sini nga salakyan sa isa ka puno sang lubi samtang nag-angkon naman sang menor nga mga kapilasan ang nasambit nga biktima bangud sa pagkabunggo.
