ROXAS CITY – Ginpakamaayo sang isa ka babayi nga ipa-blotter sa Roxas City Police Station ang isa ka insidente matapos nga ginaalegar gingubat kag ginpahog pa sang isa ka talibong nga dala sang isa ka persona sa Barangay Dinginan, Roxas City.
Ginkilala ang tagreklamo nga si Janine Bayoneta, 24 anyos sang nasambit man nga lugar.
Nag-ugat lamang ang pagpanggubat sang suspek nga si Sadam Dela Cruz, 32 anyos sang amo man nga lugar sang ginkuha sini ang kahita sang amay ni Bayoneta apang ulihi na sini nga natalupangdan nga wala na sang unod rason nga ginbalik niya ini.
Ginapatihan naman sang tagreklamo nga posible ginhungod kawat ni Dela Cruz ang amo nga kahita.
Naakig si Dela Cruz sa mga alegasyon nga ginapatuto sa iya rason nga nagkuha ini sang talibong kag ginpahog sanday Bayoneta.
Bangud diri, ginpakamaayo na lamang sang tagreklamo nga iparekord sa pulisya ang insidente.
