24-anyos nga lalaki arestado sa banwa sang Cuartero

ROXAS CITY – Arestado ang isa ka 24-anyos nga lalaki matapos ginserbihan sang warrant of arrest sang mga kapulisan sa Brgy. Pob. Ilawod banwa sang Cuartero.

Ginkilala ang arestado kay Mark Lawrence Gaspar Sibog, isa ka laborer kag residente sang Brgy. Nagba sang nasambit nga banwa.

Nagapangatubang sang kaso nga Attempted Homicide kag less serious physical injuries si Sibog.

Ang warrant of arrest ang ginpirmahan kag ginpapanaug ni Hon. Jerson F Almalbis, Presiding Judge 6th Judicial Region, MCTC, Dumarao-Cuartero, Dumarao, Capiz, na petsahan Pebrero 18 kag 28, 2022

Ginrekomendar sang korte ang P38,000 nga piyansa para sa temporaryo sini nga kahilwayan. Sa karon, yara ini nakahunong sa karsel sang Cuartero MPS para sa nagakaigo nga disposisyon.