24 anyos nga lalaki, nagpa-blotter matapos ginaalegar ginpakahuy-an sa social media

ROXAS CITY – Nagpa-blotter sa Roxas City Police Station ang isa ka 24 anyos nga lalaki matapos nga ginaalegar ginpakahuy-an sa social media site nga Facebook.

Ang nasambit nga tagreklamo amo si Revin Jade Bacaltos, residente sang Barangay Dayao, Roxas City.

Sandig sa iya ginparekord, nagbayluhanay sila sang matigdas nga mga tinaga sa Facebook Messenger ni Ligie Lacrete sang Barangay Libas, Roxas City.

Apang suno diri, ginpost ni Lacrete ang screenshots sang ila conversation kag ginlakipan pa sang iya mga laragway.

Bangud diri, ginpakamaayo na lamang ni Bacaltos nga iparekord sa pulisya ang natabo.