ROXAS CITY – Nagpositibo sa rabies ang 24 ka mga tawo nga nagkaon kag nagkatay sang ido sa Barangay Aranguel, Presient Roxas, Capiz
Sa interview sang Bombo Radyo Roxas kay Dr. Pilar Posadas, municipal health officer sang banwa sang President Roxas, ginpahayag sini nga nakuha sang 24 nga mga tawo ang rabies sa ginkaon nga ido
Nahibaluan nga antes ginkatay ang layaw nga ido may ginkagat ini nga bata.
Para makumpirma ang duda sang municipal agrculturist office kun may rabies ang ido, ginpatay ang sapat kag ginpaidalum sa examination ang ulo sang sapat
Apang lipod sa ihibalo sang technician sang amo nga talatapan nga ginkuha sang kagawad sa barangay ang ido kag ginpaluto ini para himoon nga sumsuman.
Ginkabalak-an naman ni Dr. Posadas sang magguwa sa resulta nga positibo sa rabies ang nasambit nga ido sa diin gilayon nga ginpangita ang 24 ka tawo nga nagkaon kag nagkatay sa amo nga ido.
Nahibaluan nga sa nasambit nga numero, anum ang nagpangamot sa pagkatay sa ido samtang 18 ang nagkaon..
Samtang matapos nakalab-ot sa LGU sang President Roxas ang insedente gilayon sila nga nagbakal sang anti rabies vaccine kag gin-inject sa apektado nga mga indibidwal.
