25-anyos nga babayi pilason, sa aksidente sa dalanon sa banwa sang Panay

Pilas sa magkatuhay nga parte sang lawas ang naangkon sang isa ka babayi matapos nagluntad ang aksidente nga pagbungguanay sang motorsiklo kag multicab sa national highway sang Barangay Linateran, Panay, Capiz.

Ang wala na ginhingadlan nga babayi nagapang-edaron sang 25-anyos nga amu man ang driver sang naaksidente nga motorsiklo.

Sa inisyal nga impormasyon nga nakuha sang Bombo Radyo, ginapahayag aksidente nga nagbungguanay ang nasambit nga duha ka mga behikulo sa amu nga lugar. Madasig naman nga nagresponde ang MDRRMO-Panay agud nga hatagan sang pauna nga pagbulong ang babayi nga napilasan.

Samtang, gindala naman ini gilayon sa hospital para sa nagakaigo nga pagbulong.