ROXAS CITY – Arestado ang isa ka 25 anyos nga lalaki matapos nga nadakpan nga nagapangawat sang pato/itik sa Barangay Lanot, Roxas City.
Ginkilala ang suspek nga si Rayan Teranti alyas Amo, 25 anyos sang Barangay Lawaan sining siyudad.
Sandig sa ginpabalhag nga reklamo ni Cynia Dela Cruz, 56 anyos sang Barangay Lanot nga nakita sang gumangkon sang tagreklamo ang suspek nga nagabitbit sang sako nga nagaunod sang mga pato/itik, cellphone kag iban pa nga mga kagamitan.
Sa pihak nga bahin, nagpabalhag man sang reklamo si Emily Beliano, 53 anyos sang Barangay Lanot nga sang nakaligad nga Enero 11 sining tuig sa diin ginaalegar nga nagpangawat man ang suspek sang duha ka pato/itik kag kwarta.
Magluwas diri, ginapahayag nga sang Pebrero 14 sining tuig, liwat naman nagpangawat ang suspek sang isa ka pato/itik kag kwarta.
Sa karon, nakahunong na sa karsel sang Roxas City Police Station ang amo nga suspek.
