ROXAS CITY – Nag-angkon sang pilas sa magkatuhay nga parte sang lawas ang isa ka 25 anyos nga lalaki matapos nga ginaalegar ginpulihan kastigo sa Barangay Cagay, Roxas City.
Ginkilala ang biktima kay Arnold Apostol, sang Barangay Dinginan sining syudad.
Base sa imbestigasyon nga samtang nagapungko ini sa iya motorsiklo sang hinali na lamang ini nga ginpalapitan kag ginkastigo sang mga suspek nga sanday Chris Rosales, 24 anyos, kag sanday certain “BANOY” kag “Alvin” nga lunsay tanan mga residente sang Barangay Cagay sining siyudad nga madasig naman nakapalagyo matapos ang insidente.
Mahibaluan nga nagpadulong ang amo nga biktima sa nasambit nga lugar agud kuntani magkuha sang iya sini nga order gikan sa live-in partner sang nasambit nga suspek nga si Rosales apang daku ang kakibot sang biktima nga samtang ini ang nagapungko sa motorsiklo kag nagahulat kuntani sang order sang hinali na lamang nga ginsumbag ini sang nasambit nga mga suspek rason nga nag-angkon ini sang mga pilas sa lawas.
Gilayon man nga nag-aksyon ang mga BPAT member sang Barangay Cagay sa insidente samtang gindala naman ang biktima sa ospital para sa nagakaigo nga pagbulong.
Ginapatihan nga posible pagpangimon ang motibo sang nasambit nga insidente.
