ROXAS CITY – Arestado ang 25-anyos nga lalaki, matapos nga ginserbihan sang warrant of arrest sang mga katapo sang PIU kag Sapian MPS, sa Brgy. Poblacion, sa nasambit nga banwa.
Ginkilala ang akusado kay Dinmark Joi Placido Basan, kag residente sang nasambit nga barangay.
Nagapangatubang sang kaso nga Robbery si Basan.
Ginpirmahan kag ginpapanaug ang warrant of arrest ni Hon. Joevy Paclibar-Valenzuela, presiding Judge sang MCTC Sigma-Sapian, Capiz, napetsahan Agosto 9, 2022.
Ginrekomendar sang Korte ang P18,000 nga piyansa para sa temporaryo nga kahilwayan sang akusado.
Matandaan nga gindakop man si Basan, sang nagligad nga bulan sang Mayo pinaagi sa warrant of arrest sa kaso nga attempted homicide, kaupod ang iya utod, bangud sa pagbuno sa isa ka lalaki nga nagapamahaw sang burger, sa amu nga banwa sang bulan sang Pebrero.
Sa karon, nagapabilin ini sa karsel sang Sapian MPS, para sa nagakaigo nga disposisyon.
