ROXAS CITY – Patay ang 25-anyos nga lalaki matapos nga ginluthang sang wala pa matumod nga suspetsado takna 8:00 kagab-i, Marso 19, sa Barangay Agdalipe, Pontevedra, Capiz.
Ginkilala ang biktima nga si Justine Gil Casugbo, residente sang Barangay Lawaan, Roxas City.
Sa impormasyon nga nakuha sang Bombo Radyo sa Pontevedra Municipal Police Station, nakabaton sila sang impormasyon nga may nagluntad nga pagpangluthang sa amu nga lugar.
Gilayon nga nagresponde ang kapulisan kag diri na nakit-an nga nagahigda na sa karsada ang biktima kaluyo sang iya motorsiklo.
Ginpadangat sa ospital ang biktima apang wala ini makasalbar sa kamatayon.
Narekober sa lugar sang pagpangluthang ang 4 ka fired case cartridge, 3 deformed slugs, kalo, Yamaha Mio Sporty nga motorsiklo, cellphone, tsinelas, kag mga ID cards.
Sa karon, nagapadayon pa ang imbestigasyon sang kapulisan angut sa nasambit nga insidente.
