25-anyos nga lalaki pilason matapos ginbungguan ang ginamaneho nga motorsiklo sang isa man ka motorsiklo

ROXAS CITY – Pilason ang 25-anyos nga lalaki matapos nga ginbungguan ang ginamaneho sini nga motorsiklo sa Barangay Tanque, Roxas City.

Base sa inisyal nga imbestigasyon sang Roxas City PNP nga samtang ginasubay ni Darren Flores ang dalanon sang hinali na lamang nga ginbungguan ang nalikod nga porsyon sang iya motorsiklo sang isa man ka motorsiklo nga ginamaneho naman ni Dennis Jasper Diestro sang Barangay Mianay, Sigma nga ginapahayag yara sa idalom sang impluwensya sang makahulubog nga ilimnon.

Bangud diri, natumba ang motorsiklo sang biktima rason nga nag-angkon ini sang pilas sa lawas.

Samtang, temporaryo naman nga ginkustodiya sa Roxas City PNP ang motorsiklo ni Diestro para hatagan sang nagakaigo nga disposisyon.

ReplyForward