IVISAN, CAPIZ – Padayon sa karon nga ginabulong sa ospital ang 25 anyos nga lalaki matapos ginlabo sang kaugalingon sini nga tiyo sa Barangay Agmalobo, Ivisan, Capiz.
Ginkilala ang biktima nga si Richard De Jose, residente sang nasambit man nga lugar.
Sa nakuha nga impormasyon sang Bombo Radyo sa Ivisan Municipal Police Station, magkaupod nga nag-inom ang biktima kag ang suspek nga tiyo sini nga si Roberto Caporal, 47 anyos sang wala sila nagkasugot kag nagbaisay.
Wala ginalauman sang biktima nga nagkuha sang hinganiban ang suspek kag ini ang ginlabo.
Bangud sa naangkon nga pilas, gilayon nga gindala sa ospital si De Jose agud mabulong.
Gilayon man nga naaresto ang suspek nga si Caporal apang na-release man matapos nga nag-lapse ang iya nga reglementary period of detention.
