-- ADVERTISEMENT --
ROXAS CITY-Pilason ang 25-anyos nga lalaki matapos nga nakabunggo sang layaw nga ido sa Barangay Lawaan, Roxas City.
Ginkilala ang napilasan nga si Ej Victoriano residente sang Barangay Lanot, sining siyudad.
Sandig sa inisyal nga imbestigasyon sang Traffic Section sang Roxas City Police Station nagaguwa nga samtang ginasubay sang biktima ang dalan sakay sa iya nga motorsiklo sang aksidente sini nga mabungguan ang layaw nga ido nga hinali lang nagtabok sa dalan.
Bangud sini nakaangkon sang pilas sa magkatuhay nga porsyon sang kalawasan ang biktima nga gindala sang Roxas City Emergency Response Team sa isa ka pribado nga ospital sa siyudad.
Mahibaluan nga lipong nga gindala ang biktima sa nasambit nga ospital.
-- ADVERTISEMENT --
