ROXAS CITY – Pilason nga ginpadangat sa ospital ang isa ka crew sang isa ka motorbanca matapos nga ginaalegar ginbuno sa Barangay Banica, Roxas City.
Ginkilala ang biktima kay Jemar Relox, 25 anyos sang Barangay Poblacion, Mandaun, Masbate.
Base sa inisyal nga imbestigasyon nga samtang nagainom ang biktima kag ang wala na ginhingadlan nga suspek kaupod man ang iban nga mga crew sang hinali na lamang nga nag-angkon sang pagbinaisay sa tunga sang suspek kag biktima.
Bangud diri ginbuno sang suspek ang biktima rason nga nag-angkon ini sang pilas sa nawala nga parte sang iya nga tiyan.
Gilayon naman nga gindala sa Roxas Memorial Provincial Hospital ang nasambit nga biktima agud dapatan sang nagakaigo nga pagbulong.
Samtang, pagasabton naman sang tag-iya sang amo nga motorbanca ang pagpabulong sa biktima.
