-- ADVERTISEMENT --
ROXAS CITY – Pilason ang isa ka 25-anyos nga driver sang motorsiklo matapos nga ginaalegar nadulaan sang kontrol sa pagmaneho sa Barangay Gabuan, Roxas City.
Ginkilala ang biktima nga si Juniper Buñi sang Barangay Bunga, Panay, Capiz.
Base sa inisyal nga imbestigasyon sang Roxas City Police Station nga samtang ginamaneho sini ang motorsiklo hinali na lamang ini nga nadulaan sang kontrol sa pagmaneho sa kurbadahon nga porsyon sang karsada.
Bangud diri, natumba ang motorsiklo kag nagtabog ini sa magamhon nga porsyon sang karsada rason nga nag-angkon ini sang pilas sa lawas nga gilayon naman gindapatan sang nagakaigo nga pagbulong.
