-- ADVERTISEMENT --
ROXAS CITY-Pilason ang 25-anyos nga lalaki matapos nga nakabunggo sang layaw nga ido sa Sitio Sumiga, Barangay Milibili, Roxas City.
Ginkilala ang napilasan nga si John Rey Azarcon residente sang Mission Hills, sang nasambit nga lugar.
Sandig sa ginpabalhag ni Azarcon sa mga kapulisan nga sang tinalikdan nga Oktubre 24, samtang ginasubay sini ang dalan, ginaalegar sini aksidente sini nga mabungguan ang layaw nga ido nga hinali lang nga nagatabok sa dalan.
Bangud sini, nadulaan sang kontrol sa manibela si Azarcon kag dalayon nga natumba sa dalan.
Ginpakamaayo sini nga ipabalhag ang natabo sa Roxas City Police Station.
-- ADVERTISEMENT --
