26 anyos nga babaye nagparekord sa pulisya matapos gindumog kag ginluok sang wala makilala nga suspek sa Barangay Tiza

ROXAS CITY – Nagdangop sa Roxas City Police Station ang isa ka 26 anyos nga babaye matapos ginaalegar gindumog sang isa ka wala makilala nga persona sa Graceville, Barangay Tiza, Roxas City.

Suno sa biktima nga magapadulong kuntani ini sa Iloilo agud magakuha sang eksaminasyon sa pagkapulis apang samtang siya ang nagalakat hinali ini nga gindumog kag ginluok sang wala makilala nga persona.

Suno diri nga wala man nakuha sang suspek ang iya kwarta, cellphone kag iban pa nga mga kagamitan gani indi ini makabig nga pagpanghold-up.

Nag-angkon sang mga madamo nga mga samad tuga sang pagpangdumog ang amo nga biktima.

Sa karon padayon nga gina-imbestigahan sang mga kapulisan ang insidente agud makilala ang suspetsado.