26-anyos nga ginang nagpabalhag sa pulisya matapos nga ginaalegar ginsumbag kag ginhampak sang baston sang isa ka hubog

ROXAS CITY – Nagpabalhag sa Roxas City Police Station ang isa ka 26-anyos nga ginang matapos nga ginaalegar ginsumbag kag ginhampak sang baston sa Roxas Avenue, Roxas City.

Ginkilala ang tagreklamo nga si Luisa Llasos sang Bayot Drive, Barangay 9 sining siyudad.

Sandig sa ginpabalhag sang tagreklamo nga ginaalegar ginsumbag kag ginhampak ini sang suspek nga si Ronald Ignacio 44-anyos sang Barangay Punta Tabuc sining siyudad gamit ang isa ka baston.

Nahibaluan nga yara sa idalom sang impluwensya sang makahulubog nga ilimnon ang suspek.

Bangud diri, nag-angkon sang pagpalanakit sa kalawasan ang tagreklamo rason nga ginpakamaayo na lamang sini nga ipabalhag sa pulisya ang natabo.