26-anyos nga lalaki, dakop matapos nga serbehan sang warrant of arrest sa Brgy. Lawaan, Roxas City

Dakop ang 26-anyos nga lalaki matapos nga ginserbehan sang warrant of arrest sa Pueblo de Panay, Brgy. Lawaan, Roxas City.

Ginkilala ang nadakpan kay alyas “Alden” kag residente sang Brgy. Intampilan, Panit-an, Capiz.

Nagapangatubang sa kaso nga Theft ukon pagpangawat nga ang amo nga akusado.

Gin-issue kag ginpirmahan ni Hon. Melinaire L. Japila-Diamante, Presiding Judge, Municipal Trial Court in Cities, Branch 3, Iloilo City kag napetsahan Disyembre 13, 2024.

Yara naman sa P3,000 ang ginrekomendar nga piyansa para sa iya temporaryo sini nga kahilwayan.

Sa karon, yara na ini sa kustodiya sang Roxas City PNP para sa nagakaigo nga disposisyon.