ROXAS CITY – Nagapabilin sa kustodiya sang Roxas City Police Station ang isa ka 26 anyos nga lalaki matapos nga nagtuga sang kinagamo sa Barangay Baybay, Roxas City.
Sandig sa ginpabalhag nga reklamo ni Manny Mateo, 23 anyos, sang Barangay Baybay sining siyudad kag empleyedo sang isa ka resort nga nahamtang sa lugar nga may yara sang nagluntad nga kinagamo sa diin imbolbado ang ginareklamo nila sini nga si Randy Ebia, 26 anyos sang Sitio Bagungon, Barangay Culasi sining syudad.
Ginaalegar sang mga tagreklamo nga nag-angkon sang gaub kag kapilasan si Ebia sa nagluntad nga kinagamo.
Nahibaluan nga gintambagan kag ginbuligan pa kuntani sang mga tagreklamo si Ebia apang nagbato pa ini sa ila rason nga ginpakamaayo na lamang nila nga ipabalhag sa pulisya ang amo nga insidente.
Ginapatihan naman nga yara sa idalom sang impluwensiya sang makahulubog nga ilimnon ang nasambit nga ginareklamo.
