ROXAS CITY – Patay ang isa ka 26-anyos nga lalaki matapos nga ginaalegar ginbuno sang iya kaupod sa ilimnan sa Sitio Nag-uring, Barangay Agambulong, Jamindan, Capiz.
Ginkilala ang biktima nga si Dennis Orocio sang nasambit nga lugar.
Base sa inisyal nga imbestigasyon sang Jamindan Municipal Police Station nga samtang naga-inom ang biktima kag suspek nga si Sonny Focbit hinali na lamang nga nag-angkon sang indi pag-intiendihanay sa magtimbang nga bahin rason nga ginbuno sang suspek ang biktima.
Nag-angkon naman sang pilas sa tiyan si Orocio nga gilayon naman gindala sa ospital agud madapatan sang nagakaigo nga pagbulong.
Apang, sang ginabulong na ini sa ospital gilayon man ini ginbawian sang kabuhi.
Madasig naman nga nagpalagyo ang suspek matapos ang insidente.
Samtang, nagapadayon naman ang hot pursuit operation kag imbestigasyon sang mga kapulisan sa nagluntad nga krimen.
