JAMINDAN, CAPIZ – Pilason ang isa ka lalaki matapos ginlabu sang iya kaugalingon nga tiyo sa Barangay Pangabuan, Jamindan, Capiz.
Ginkilala ang biktima kay Robert Eno, 26 anyos, residente sang nasambit man nga lugar samtang ang suspek nga iya tiyo amo si Rolando Sonio, 56 anyos.
Base sa inisyal nga impormasyon nga nakuha sang Bombo Radyo, nagainom ang suspek sa ila kaingod-balay sang may nagtawag sa iya kag gintundaan nga may kontra ang iya anak.
Bangud diri nagguwa ang suspek kag diri wala niya makilan-an nga iya man lang gumangkon ang kontra sang anak nga iya ginlabu.
Bangud diri nag-angkon sang mga pilas sa lawas ang biktima nga gilayon gindala sa ospital agud madapatan sang nagakaigo nga pagbulong.
Padayon naman nga ginaayam sang mga kapulisan ang suspek matapos nakapalagyo kasuno sahg nasambit nga insidente.
