-- ADVERTISEMENT --
ROXAS CITY – Pilason ang isa ka 26-anyos nga lalaki matapos nga ginaalegar naaksidente sa ginamaneho nga motorsiklo sa Barangay Calitan, Panay, Capiz.
Ginkilala ang napilasan nga biktima nga si Kevin Camaya Tolentino sang Barangay Bailan, Pontevedra, Capiz.
Base sa inisyal nga imbestigasyon sang mga kapulisan nga samtang ginasubay sang amo nga driver ang dalanon sang hinali na lamang ini nadulaan sang kontrol sa pagmaneho rason nga nagbunggo ini sa kudal kag natumba ang motorsiklo.
Bangud diri, nag-angkon sang pilas sa lawas ang biktima nga gilayon naman gindapatan sang nagakaigo nga pagbulong.
