26-anyos nga persona nadakpan sang mga kapulisan nga nagapataya sang STL

DUMARAO, CAPIZ – Arestado ang 26-anyos nga persona matapos nadakpan sa akto sang mga kapulisan nga nagakolekta sang bayad kag nagapataya sang Small Town Lottery sa Barangay Poblacion Ilawod, Dumarao, Capiz.

Ginkilala ang suspek kay Dennis Baniabo sang Barangay Duyoc, Dao, Capiz.

Base sa inisyal nga imbestigasyon nga nadakpan ang suspek samtang nagapatigayon sang Anti Illegal Gambling Operation ang mga kapulisan sa nasambit nga lugar.

Bangud diri, gilayon nga gin-aresto sang mga kapulisan ang nasambit nga suspek.

Sa karon, nakahunong na sa karsel sang Dumarao PNP ang suspek kag nagapangatubang sa kaso nga paglapas sa Presidential Decree 1602, RA 9827 ukon Anti Illegal Gambling Act.